Subjuntiboa
Subjuntiboa beti menpeko perpausetan agertzen da, atzizki batekin:
- -n, helburua: mapa bat emango dizuet, bidea aurki dezazuen.
- -la, nahia edo agindua: ondo pasa dezazula!; esan iezaiozu etor dadila.
- Nahi, eskatu eta antzekoekin, subjektua ez denean bera: nahi dut etor zaitezen.
Subjektua bera bada, -t(z)eko nahikoa da: ikasteko etorri naiz, baina ikas dezazun etorri naiz.
Aditz nagusia erroan doa, ahaleran bezala: ikus ahalera: orainaldia.
Esaldi nagusia lehenaldian badago, subjuntiboa ere lehenaldian doa: mapa eman zigun, bidea aurki genezan; etor zedin nahi nuen.
NOR
Maila: B2.
| Nor | Subjuntiboa |
|---|---|
| ni | nadin |
| zu | zaitezen |
| hura | dadin |
| gu | gaitezen |
| zuek | zaitezten |
| haiek | daitezen |
Deitu diot etor dadin. Isilik egoteko esan die, lasai egon daitezen.
NOR-NORK
Maila: B2, NOR hirugarren pertsona denean.
| Nork | Nor: hura | Nor: haiek |
|---|---|---|
| nik | dezadan | ditzadan |
| zuk | dezazun | ditzazun |
| hark | dezan | ditzan |
| guk | dezagun | ditzagun |
| zuek | dezazuen | ditzazuen |
| haiek | dezaten | ditzaten |
Lege bat egin nahi dute, enpresek esperimentua egin dezaten.
NOR-NORI-NORK
Maila: B2. Objektua bakarra denean:
| Nork / Nori | niri | zuri | hari | guri | zuei | haiei |
|---|---|---|---|---|---|---|
| nik | diezazudan | diezaiodan | diezazuedan | diezaiedan | ||
| zuk | diezadazun | diezaiozun | diezaguzun | diezaiezun | ||
| hark | diezadan | diezazun | diezaion | diezagun | diezazuen | diezaien |
| guk | diezazugun | diezaiogun | diezazuegun | diezaiegun | ||
| zuek | diezadazuen | diezaiozuen | diezaguzuen | diezaiezuen | ||
| haiek | diezadaten | diezazuten | diezaioten | diezaguten | diezazueten | diezaieten |
Idatzi iezaiozu, egia esan diezazun.